RAAJA SUPPE
- Nerisa
- 26. jan. 2023
- 1 min læsning
Raajat qalipaat atorlugit sanaaq
Raajat qalipaat mamassutsinik aallerfiusinnaasut suppaliornermi uani atorluarneqarput, suppeq naammassippat flütes tulluarput, kaffillernermilu mamarineqarluartarluni.
Uani suppaliornermik ilitsersuummi raajat qalipaajarneqanngitsut 1200 gr. atorneqassapput, qalipaat bisque-tut sananeqartusssaallutik.
Suppeq anginerutinniaraanni imaqarnerutinniaraanniluunniit aalisakkanik qaqortunik nerpilinnik soorlu suluppaagaq, saarullit imaluunniit qaleralinnik immerneqarsinnaavoq soorlu aamma mattak, uillullu assiggiiinngitsut atorneqarsinnaallutik.
RAAJA SUPPE
AKUSSAT
FOND
ca. 800 gr. Raajat qalipaat
2 Naatsiaat
2 Gulerod
100 gr. Pureløg
1 Uanitsoq aappaluttoq
1 Uanitsoq
3 Hvidløg
1 Puujaasaq Hvidvin (75 cl)
25 gr. Punneq
Oliven olie
Taratsut
Qasilittut
SUPPAP IMASSAI
ca. 400 gr. Raajat neqaat
150 gr. Porre
4 Gulerod
5 dl Fløde
2 Alussaatit tomat puré
taratsut
AKUSSAT ATORNEQARSINNAASUT TULLUARTUT
Mattak
Qaleralik
Suluppaagaq
Saarullik
Uillut assigiinngitsut
Hvidvin imigassamik akoqanngitsoq
SANANEQARNERA
Raajat ameraajarneqassapput, neqaat ameraallu immikkut skålinut ikineqassallutik.
Suppip fond-iliarinissaanut naatitat atorneqartussat salinneqassaput agguararneqarlutillu, pisariaqanngilaq qanoq angeqatigiiaartigissanersut, qalanneqareerpata piiarneqartussaammata.
Punneq oliven olialu igamut angisuumut kissanneqassaat naatitallu fond-imut atugassat sianneqassallutik aqilinissaata tungaanut.
Naatitat aqilippata raajat ameraat naatitallu siaqatigiissinneqassapput, siapallariarlugit hvidvin ilivitsoq igamut kuineqassalluni.
Raajat ameraat naatitallu annerpaamik 30 minutit, sivisunermik qalanneqarpata raajat qalipaat seernersunnititsilersinnaagamik.
25-30 minutsit qalareerpata qaminneqassapput nillorsilaarlugillu.
Fond-iliaq nakkartitsivikkut nakkartinneqassapput suppaliassartaa toqqorlugu, igamiittullu sinneruttut annoraaminermut kuiriarlugit siggorlugit, taamaalillutik mamassusaa annerpaat suppaliarineqarsinnaammat. Sigoreerpatalu iginneqassallutik naatitat raajallu ameraat qalannikut.
Fond-imut gulerod atugassat aggorneqassapput 1x1 cm missaanik angitigitillugit porre-lu aamma 1 cm issutigisumik.
Fond-iliaq kissannerani fløde tomat puré-lu akulerunneqassallutik.
Qalariarpat suppaliaq taratserneqassaat mamassusissaa naammatsinnissaanut.
Raajat ameraajarnikut ikineqassapput 5 minutsilu qalanneqassallutik, sivisunerusariaqanngilaq sivitsorpallaarpat raajat manngertissinnaagamik.
Takan'
Kommentarer