Falafel sesamertallit

Falafel araberit igasartagaat frikadelliusat neqitaqanngitsut kikært atorlugit sanaat proteinneqarluartullu.

Falafel ulluni neqitorfiunngitsunut tulluartut allamiorpalaartut, pita brød, wrap-itulluunniit hummus-ilerlugit chilisauce-ilerlugillu mamartut

Akussai:

• Qillertuusar marluk Kikært katillugit ca 400-500 gr.

• Alussaatit marluk Persille aserortikkat

• 5 Naatsiaat mikisut

• 1 Uanitsoq

• 4 Hvidløg

• 5 Alussaateeqqat koriander

• 5 Alussaateeqqat spidskommen

• 3 Manniit

• 4 Alussaatit rasp

• 2 Alussaatit Citron issera

• 10 Alussaatit sesam

Piareersarnertaa:

Qillertuusat marluk kikært imermik nillertumik errortoriarlugit skålimut ikineqassapput

Naatsiiat ameraajariarlugit riverlugugillu, siggoriarlugit ikineqassallutik.

Uanitsoq hvidløg-lu agguararnikut ikineqareerpata akussallu sinneri SESAM MINIMLUGIT aamma skålimut ikineqassapput

akussarititat skålimiittut aserorterneqassapput sesammillu akulerunneqassallutik.

skåleq nerriviup qaavani uninngatsinneqalaariarluni siannissaanut piariissapput.

IGANERI

Friture olie imaluunniit olie kimikitsoq soorlu raps olie 750-1000 ml atorlugu falafel iganeqassapput.

Alussaatit marluk atorlugit falafel sanaassat ilusilersorneqassapput igarlu angissusaa apeqqutaalluni falafel amerlassusaat naammattorlugu iganeqassapput, igaq anginngippat tallimat-arfineq marlukkaarlugit iganeqassapput kajortinnissaata tungaanut.

Falafel sesammitallit

SASSAALLIUTIGINEQARNERI

Falafel naammassinikut assigiingitsorpassuartigut sassaalliutigineqarsinnaapput, soorlu fladbrød iluanut wrap-tut nerillugit, hummus-ilerlugit taamaatsiinnarlugit imaluunniit salat-ilerlugit peqqinnartutut nerineqarsinnaapput.

Takan' 🧆