AQISSIT SAVANIK IMMIKKAT

Savaaqqap neqai aqissip naavanut immiussat

Savaaqqap neqaa aqissillu siaffianit miseraq tamanik mamarneq uani nerisassiornermik ilitsersuummi qanoq sananeqarnissaa aamma allaaserineqarpoq.

Aqissit mamarluinnartut ullorsiufiusunut, ilaqutariittullu kammalaatigiitutulluunniit nereqatigiinnernut tulluartuassapput.

Uani ilitsersuummi savaaqqap talia ataaseq aqissillu arfinillit atorneqassapput inunnullu 6-8 naammassallutik.

Aqissit atorneqartussat erisariigaassapput.

AKUSSAT

• 1 Savaaqqap talia

• 6 Aqissit

• 1/2 liter fløde

• 50 gr. Punneq

• 9 dl Imeq

• 1 Hvidløg

• 1 dl Rødvin

• 2 Nersussuup buillion terning

• 2 Laurbærblade

• Ribsgelé

• Taratsut

• Qasilitsut

• Maizena

AALLAQQAASIUT

NEQI

1. Aallaqqaasiutigalugu savaaqqap talia neqaajarneqassooq, neqaalu agguaranerqarluni, 2x2 cm missaani angitigisunik. Savaaqqap taliata saania toqqorneqarsinnaavoq, ulluni allani fond-itut sananiaraanni.

2. Savaaqqap neqaa punnermut alussaat angisuumut sianneqassapput qalipaatininnissaata tungaanut.

3. Qalipaatinippata hvidløg ataaseq presserlugu savaaqqap neqaanik siaqataasinneqassaaq.

4. Neqit taratseriarlugit qasilitsulerneqassapput, rødvin-lu igamut kuineqassalluni.

5. Rødvin nungunnissaata tungaanut savaaqqap neqai sianneqassapput.

6. Rødvin nunguppat, neqit illuartinneqassapput nillorseriarlugillu aqissit naavata iluanut ikiorarneqassallutik.

7. Aqissit savap neqaanik ulikkariarlugit, bomuld allunaasaq atorlugu niui pitunneqassapput savaaqqap neqaa aqissiniit aniasinnaajunnaarsillugu.

8. Aqissit neqinik immernikut punnermut alussaatit angusuut marlunnut naammattumut sianneqassapput, aqissit kaajallallugit qalipaatininnissaata tungaanut.

9. Aqissit qalipaatinippata taratseriarlugi imermik igaq immerneqassaaq aqissit morsutsinnagit.

10. Laurbærblade marluk igamut ikineqassapput, igarlu matuneqassalluni kissassusaalu sakkukillineqarluni 2-3 tiimillu sakkukitsumik qalaartinneqassallutik.

11. Aqissit qalaartereerpata sassaalliutigineqarnissaanut qaqinneqassapput, nillorsiimeriarlugillu allunaasaq piiarneqassallutik.

12. Aqissit niui peeriarlugit, sakiaasa neqai peerneqassapput savaaqqallu neqai aqissiniit peerneqassallutik.

13. Neqit kusanartumik sassaalliutigineqarnissaminnut iliorarneqassapput.

MISERAQ

1. Aqissit savallu qalaffiat qalatsinneqassaaq fløde-lu kuineqassalluni.

2. Fløde qalaatigalugu nersussuup buillioni igamut ikineqassapput, aalatillattaarneqassallutillu.

3. Buillion aappata miserassarlu qalaarluni, miseqqap kajorsaataanik kajorsarneqassalluni.

4. Miseraq kajortippat ribsgelé alussaateeraq ataaseq ikineqassaaq, miseraqqallu mamassusaa misilinneqassalluni, taratsigassaappat qasilitsuiluunniit amigarpata taratserneqassalluni qasilitsulerneqassallunilu.

5. Miseqqap mamassusaa inissippat, maizena imermik akoriarlugu miseraq kinersarneqassaaq.

SASSAALLIUTIGINISSAA

Aqissit, savaaqqap neqaa miserarlu naatsiaat qalaatat, naatsiaalluunniit sukkunik siatanik sassaalliutigineqarsinnaapput, saniatigullu chip-it franske kartofler miserartuutissatut tulluarput. Oqinnerusutut nererusukkaanni salat-it frisk-it mamaqutaalluarsinnaallutik.