Qaleralik & Hjertesalat

20 minutsi atorlugu Qaleralik hjertesalatinik poortugaq bambusinik damperummik sanaaq. Aalisagarluunniit alla ukiup piffissaritsitaanut tulluartoq.

Aasaanerani eqaluk imaluunniit kapisik atorluarneqarsinnaavoq, damperut atorlugu sananeqarsinnaammata. Uani iganermut ilitsersuummi bambusinik sanaaq damperut bambus skib atorlugu igaajupput, allatulli aamma sananeqarsinnaallutik. Qaleraliup aggorneqarnera malillugu suaasat qaqortut sananeranni damperneqarluni taamaalilluni igaffimmi piffissaq sivisunngitsoq atorneqarluni.

Qaleralik hjertesalatinik poortugaq assigiingitsorpassuartigut nerineqarsinnaavoq, suaasat qaqortulerulit, naatsiiat assigisaalluunniit aamma atorneqarsinnaallutik. Sulilu amerlanernik miseqqerneqarsinnaalluni. Assimi takuneqarsinnaalluni thailandiumiut miseraannik miseqqerneqarluni, kisiannili Hollandaise aamma atorneqarluarsinnaalluni.

---

AKUSSAT

• Qaleralik 500 gr.

• Hjertesalat 1

• Blomkål ilivitsoq

• forårsløg 3

• Suaasat qaqortut Basmati 3 dl

• Miseraq tulluarsorisaq

• Sesamolie

PIAREERSARNEQ

Igaq damperivissamut atugassaq imermik immeriarlugu ikkuunneqassaaq qalallugu, qaleralik hjertesalatinik poortoreerpat dampernissaanut piareerlugu.

Qaleraliup nerpia ameerneqassaaq saaniarlugulu. Qaleralik pisiassaasarpoq ameeriigaq saaneqarpiangitsorlu. Nerpik saaniaariigaq aggorneqassaaq hjertesalat pilutaata angeqatipajaavanik.

Hjertesalat, blomkål, forårsløg-illu imermik salinneqassallutik.

Blomkål igaaraqqami imermik 1 liter alussaateerarlu ataaseq tarajulimmi qalanneqassallutik. Nammineq aaliangerneqarsinnaavoq qanoq sivisutigisumik qalanneqassanersut apeqqutaalluni qanoq mamarinerunerlugu, 10 minut qalannissaa naammappoq.

Suaasat qaqortut 3 dl igamut ikeriarlugit imermik kuutsitiffigalugit salinneqassapput, aalaterneqaqattaassallutillu imerlu taarsertarlugulu, imeq erseqqarissippat suaasat qaqortut salinneri naammasissaaq. 3 dl Basmati 5 dl imeq alussaateerarlu affaq taratsut, kisassuseq akunnattumut ikkunneqassallutik igarlu matuneqassalluni.

*Suaasat qaqortut assigiinngissinnaapput qanoq annertutigisumik imilerneqassanersut.

QALERALIK DAMPIGAQ

Qaleralik hjertesalat pilutaata angeqqataa illuttut sesam oliamik taninneqassaat taratserlugulu, taamaaleriarpata hjertesalat pilutaanut ilineqassaaq allamillu qallernerqarluni taamaalilluni poorneqarluni. Poorneqareerpat damperivissamut ilineqassapput sanileriaarlugit. Damperivik bambusiusoq atugara qaleraliit poortukkat sanileriit pingasuusinnaapput.

Qaleraliit damperivimmut matoqqasumut damperneqassapput 20 min.

MISERAQ NAMMINEQ TULLUARSORISAQ

Qaleralimmut dampikkamut miseraq tulluarsorsisaq sananeqarsinnaavoq, kissanneqarluniluunniit. Assimi miseraq atugaq Thailandimiut miseraat atorneqartoq panang paste igaaqqamut kokos olialimmut sanaajuvoq. Panang paste alussaat ataaseq kissariarlugut kokos mælk 4 dl imerpallatsigaavoq, namminerlu aaliangerneqarsinnaavoq qanoq sakkortutsikkusutsiginerlugu.

---

Qaleralik dampigaq qaavatigut forårsløg-inik agguararnikunik nakkalatserlugu kusassarneqarsinnaalluni mamarsaataasarlutillu.

Takan'