NUTELLA ULLORIAASAQ PEKAN QAQQORTARIARTALIK

5. Februar international nutella dag-mut tulluartoq.

Uani iffiornermik ilitsersuummi nutella ulloriaasaq qanoq iffiornissaanut ilitsersuutaavoq qanorlu ilusilersornissaanik.

Pekan qaqqortarissanik siatanik kusassagaq.

AKUSSAI

• 100 gr. punneq

• Alussaat 1 1/2 sukkut

• 50 gr. Qapuit

• 3 dl Immuk

• 1 Alussaateeraq taratsut

• 1 Mannik

• Ca. 500 gr. Qajuusat

• Pekan qaqqortiarissat

• Nutella

TOPPING - QAAVANIITTUSSAT

• Pekan qaqqortarissat

• 1 Alussaat imeq

• 3 Alussaatit caramel sirup

---

AALLAQQAASIUT

iffiugassartaa - naqittagassaq

1. Immuk assaap kissaqataanut kissariarlugu qapuit immummut akulerunneqassapput, qapuit immummut aannissaata tungaanut.

2. Taratsut, sukkut mannillu akulerunneqassapput aalaterneqarlutillu.

3. Punneq nillunngitsoq qajuusallu akulerunneqassapput, iffiugassarlu naqittarneqarluni. Naqittagaq skål-ip iigartaa iperarnissaata tungaanut.

4. Naqittagaq pullasserneqassaat marloriaammik angissuseqarlernissaata tungaanut, 1 time missaanik sivisutigissaaq.

Pekan qaqqortarissat

1. Pekan qaqqortarissat siatsivimmut sianneqassapput qalipaataa allanngulaarnissaata tungaanut, qilutsinnaveersaarneqassapput aalatsiutigalugit mianersuunneqarlutik.

2. Qaqqortarissat nillorseriarlugit aserorterneqassapput.

ILUSILERSORNISSAA - IFFIORNERTAALU

1. Naqittagaq nerriviup qaavanut ileriarlugu sisamanngorlugu avineqassaaq angeqatigiissillugit.

2. Naqittakkat sisamanngorlugit avitat boorlutut ilusilersorneqassapput ataasiakkaarlugillu siaarsarneqassallutik.

3. Naqittagaq siaarsagaq siulleq bageplademut ileriarlugu Nutella-mik taninneqassaq qaqqortarissanillu kusassarneqarluni.

4. Naqittakkat siulliit pingasut Nutella-min taninneqassapput qaqqortarissanillu qallerneqassallutik, naqittakkat pingasut imminnut qaleriiaarlugit ikineqassapput.

5. Naqittakkat sisamaat simulering pingasunut ilineqassaaq.

6. Naqittakkat qaleriit sisamaq qeqqanut immiartorfik assigisaaluunniit aammalortumik ilusilik qeqqanut ilineqassaaq.

7. Ammalortullu sinaaniit silammut naqittagaq angeqatigiinnik 16-nik savimmik avinneqassaaq.

8. Immiartorfik naqittakkamiik peeriarlugu savimmik avitat imuneqassapput sanileriaat imminnut akerliminnik kaajallannernik.

9. Naqittagaq ilusilersoreerpat sirup alussaatit pingasut imermik alussaamik aataatsimik akusamik taninneqassaaq qaqqortarissanillu kusassarneqassalluni.

IFFIORNERTAA

1. Naqittagaq piareerpat iffiorfik ikinneqassaaq 180 C varmluft, iffiorfik kissassernerani naqittagaq poorlugu pullasserneqassaaq.

2. Iffiorfik kissassusissaminut killippat, iffiorneqassaaq 15-18 min.

Nutella ulloriaasaq nillorseriarlugit sassaalliutigineqassaaq.

Takan'