Naatsiiat Sava Karry dressing

Naatsiaat iffiorfikkut uutat savap neqaanik immikkat

2-3 time missaa atorlugu sananeqarsinnaasoq

Savap neqaa sivisuumik igakkut uutaq naatsiaamut iffiorfikkut uutamut ananassilierlugu sassaalliutigineqarsinnaasoq

Sava karry-lerlugu allatut aamma sananeqarsinnaammat

---

Akussat

• 500 gr. Savaaqqap neqaa

• 4 Naatsiaat iffiorfikkut sanaassat angisuut (bage katoffel)

• 5 Ananas kilitat

• 1,5 dl Ananas juice

• 175 gr. cream fraiche

• 50 gr. mayonaise

• 4 forårsløg

• Alussaat 1 Karry

• Alussaateeraq 1 spidskommen

• Alussaateeraq 1 uanitsut pulver (løgpulver)

• Alussaateeraq 1 korianderfrø

• Taratsut

• Sukkut

• Qasilitsut

• Imeq qalattoq

• Chilli (piumagaanni)

SANANEQARNERA:

• Igami savaaqqap neraa punnermut oliven oliamullu sianneqassaaq kissassuseq sakkortooq atorlugu, neri kajortippat ananas juice spidskommen, løgpulver, taratsut, korianderfrøllu neqimut kuineqassallutillu, imermillu qalattumik neqit kuineqassallutik, neqi imermik qulangilaarlugu. Kissassuseq sakkukilleriarlugu igaq matuneqassaaq, qalarujoortinneqassallunilu minnerpaamik 2,5 tiimit, suli sivisunerutinneqarsinnaavoq savaaqqap neqaa avissaartitilernissaata tungaanut. Neqi qalannera naammassinnginnerani neqaa avissaartitilersimanngippat ajassaatit marluk atorlugit avissaartiterneqarsinnaapput, avissaartitereerpatalu igamut ikineqaqqillutik. Neqi qalaartinneqassaaq igaq imeq sinneruttoq nungunnissaata tungaanut. Taratsernera misilinneqassaaq annikigigaannilu taratserneqaqqilluni.

• Naatsiaat imermik errortoriarligit sølvpapir-mik poortorneqassapput iffiorfikkullu uunneqassallutik 200 C varmluft 1,5-2 tiimit angissusaat apeqqutaallutik.

• Karry dressing sananissaanut skål atugassami creme fraiche, mayonaise karry-lu akulerunneqassapput, sukkulerneqarsinnaavoq tunguarninnerutikkusukkaanni taratserneqassallutillu tarajui amigarsorigaanni.

SASSAALLIUTIGINEQARNISSAA:

• Naatsiiat iffiorfimmiit qaqinneqarpata sølvpapirimiit peerneqassallutik, naatsiallu avissaartinnagit sisamanngorlugit avinneqassallutik ammarlugit.

• Naatsiaamut ammarnikumut savap neqaa avissaartortoq kuineqassaaq qaavatigullu karry dressingilerneqassalluni.

• Kusassaatitut mamarsaatitullu forårsløg agguararnikut qaavanut ilineqassallutik.

Takan'

---

Sava karrylerlugu allatut taamak sananeqarsinnaavoq allat nerisassiornermut ilitsersuutit uani nassaarisinnaavatit

instagram @neris.at