KÖTTBULLAR

Svenskit inuiattut nerisassiarisartagaat neqeeqqat kartoffelmosilerlugit miserarlu.

Inuit amerlanerit immaqa küttbullar IKEA-mi misilinnikuussavaat. Köttbullar ulluinnarsiutitut mamartut sananissaalu ajornanngitsuulluni. Neqi 1000 gr. puulukip nersussuullu akulerunnikuni pisiassaasartut kalv & flæsk uani atorneqarput.

Piffissaq iganermi atugassaq 1 time 10 minutsit missaaniippoq neqeeqqallu 35 missaaniikkumaarlutik.

Köttbullar sassaalliutiginerani kartoffelmosilerlugu miseqqerlugu saniatsigullu tyttebær.

AKUSSAI

Neqeeqqat

• 1000 gr. Puuluki nersussuarlu, kalv og flæsk

• 1,5 dl Rasp

• 2 dl immuk

• 2 manniit

• 1 alussaat sennep kimittuneq

• 1 alussaat honning

• 1 uanitsoq anginngitsoq

• 1/2 alussaateeraq muskatnød riv-igaq

• 1/2 alussaateeraq qasilitsut

• 1 alussaateeraq taratsut

• Punneq siatsissutissaq

Miseraq

• 3 dl. Immuk

• 3 dl. fløde

• Miseqqap qalipaataa, kulør

• 30 gr. Punneq

• Nersussuup buillion

• Maizena

Kartoffelmosi

• 1000 gr. Naatsiiat

• 1,5 dl. Immuk

• 50 gr. Punneq

• Taratsut

---

MALITTARISASSAT

1. Iffiorfik ikinneqassaaq varmluft 200 C

2. naatsiiat kartoffelmosiliassat salinneqassapput ameraajarlugillu.

3. Naatsiiat ameraajarnikut igamut qalaanneqassapput ajassaamik kapigaluarlugit kataannartalernissaanut.

4. Rasp, muskatnød riverlugu, taratsut qasilitsut, sennep, honning, immuk manniillu skålimut ikineqassapput akulerunneqassallutillu.

5. Neqit skålimut ikineqassapput akulerullugillu, akulerussap ilusaa assigiilernissaanut.

6. Neqit ammalortuaqqanik ilusilersorneqassapput annerpaamik 50 gr. bageplademullu iliorarneqarlutik, iffiorfikkoortinneqassallutillu 10-15 min.

7. Iffiorfikkoortinneqareerpata siatsivikkut punnermut sianneqassapput.

8. Siareerpata fad-mut ikineqassapput iffiorfimmiitsinneqarlutillu kartoffelmosiliornermi miseqqiornermilu.

9. Siatsivikoq allamut ilineqarallassaaq kartoffelmos sananeqarnerani.

10. Naatsiaat imertaa kueriarlugu punnilerneqassapput immuk taratsullu.

11. Naatsiiat aserorterneqassapput, assersuutigalugu piskeris atorlugu.

12. Punneq neqinut siatsiffikumi aatseriarlugu nersussuup buillion-ia, immuk flødelu qalaanneqassapput aalatsiutigalugit.

13. Miseqqiaq qasilitsulerneqassaat, taratserneqarlunilu, tarajua naammagilernissaata tungaanut. Naliginnaasumik alussaateeraq ataaseq.

14. Maizena atorlugu kinersarneqarsinnaavoq.

Ulluinnarsiutitut tulluartut svenskit sanaarisartagaat neqeeqqat taamaalillutit sanasinnaavatit 🇸🇪

varsågod - takan' 🥘