Kiwi-ingefær marmalede

1 time iluani sananeqarsinnaasoq sunut tamanut tulluartoq

Marmelade kiwinik sanaaq ingefærinik akulik qaqortulianut ristikkanut mamarluinnartoq.

Kiwi ingefærillu marmaladeat 1 time-p iluani sananeqarsinnaavoq qallersuutitut tulluartoq, yoghurtinut skyr-inullu mamarsaataasinnaasoq.

---

Akussat

Ingefær-qartinnagu aamma sananeqarsinnaavoq

• 7-8 kiwi

• 3 cm ingefær

• 250 gr sukkut

• melatin aappalutut alussaateeraq 1

PIAREERSARNEQ: kiwi ingefærillu ameraajariarlugit aggoorneqassapput, kiwi ameraajariigaq 1x1 cm-nut aggorlugu marmeladetut tulluarsarlugu aggorneqassaaq ingefærillu agguararneqassalluni mikisuaranngorlugit, marmelade-mut tulluarsassagaanni sapinngisamik 1-2 mm agguararlugu pitsaanerpaasarpoq.

Marmerladeliassap puussaata ilui imermik qalattumik kuineqassapput naggaserlugulu atamon atorlugu salinneqassallutik, salereerpata marmelade puussaat atuaanaveersaaneqassapput.

QALANNERA: kiwi ingefærillu agguararnikut igamut ikeriarlugit qalanneqassapput, qalaleriarpata sukkut igamut ikissapput sukkullu aappata akulerulluarlutillu melatin akulerunneqassapput 5 minutilu qalanneqassallutik.

NAAMMASSINERA: marmeladeliaq qalareerpat puussaanut kuineqassaaq, marmeladeliarlu nillortinnagu siminneqassallutik taamaalillutik marmeladeliaq poornera pitsaanerpaassalluni.

---

Taamaalillutit marmelade skyr-nut qallersuutissatulluunniit mamartoq sanavoq. nerisassiornermik ilitsersuutit amerlanerit uani nassaarisinnaavatit

instagram @neris.at