KARDEMOMMESNURRE

Kardemommesnurre mamarluinnartut kaffimut tulluartut.

Uani iffiornermik ilitsersuummi kardemommesnurre qanoq sananeqarnissaannik ilitsersuutaavoq qanorlu ilusilersornissaanik.

Kardemommesnurre 20 missaaniikkumaarput, ilitsersuummi akussat annikillineqarsinnaapput.

Kardemommesnurre uani ilitsersuummi kardemomme naasortassai aserorterneqanngitsut allaaserineqarput, aserorterneqanngitsunilli peqanngikkaanni aserorteriikkanik taarsiinnarneqarsinnaapput.

Iffiorluarina.

AKUSSAI

• 130 gr. punneq

• Alussaateeraq ataaseq kardemomme nasortassai nammineq aserortikkat, annertunerutinneqarsinnaapput.

• 5 dl immuk

• 1 alussaateeraq taratsut

• 50 gr. Qapuit

• 800 gr qajuusat

REMONCE

• 150 gr. Punneq

• 120 gr. Brun farin

• 40 gr. Rørsukker

• 1 Alussaat qajuusat

TOPPING - QAAVANIITTUSSAT

• 1 mannik imaluunniit imeq sukkorlu

• Kardemomme naasussartai aserortikkat

• Perlesukker

---

AALLAQQAASIUT

iffiugassartaa - naqittagassaq

1. Immuk assaap kissaqataanut kissariarlugu qapuit immummut akulerunneqassapput, qapuit immummut aannissaata tungaanut.

2. Taratsut, sukkut kardemommillu aserortikkat ikineqassapput aalaterneqarlutillu.

3. Punneq nillunngitsoq qajuusallu akulerunneqassapput, iffiugassarlu naqittarneqarluni. Naqittagaq panissanngilaq.

4. Naqittagaq pullasserneqassaat marloriaammik angissuseqarlernissaata tungaanut, 1 time missaanik sivisutigissaaq sivisunerusinnaavoq.

remonce - iluaniittussaq

1. Punneq, brun farin, rørsukkut qajuusallut aalaterneqassapput, aalatikkap ilusaa taamaat assigiilernissaata tungaanut.

ILUSILERSORNISSAA

1. Naqittagaq marloriaammik angissuseqalerpat nerriuviup qaavanut siaartinneqassaat kipparissuutillugu 1 cm missaanik issussuseqalertillugu.

2. Remonce naqittakkamut tarngunneqassaat naqittagap qaava tamaat qallerlugu.

3. Naqittagaq remonce-mik qallerneqareerpat naqittakkap ilinnut sinaa qaninneq kiveriarlugu naqittakkap affaa qaangilaarlugu ilineqassaaq, akianiittorlu sinaa aamma kiveriarlugu ileriikkannut qallinngorlugu ilineqassalluni, taamaalilluni naqittagaq pingasunngorluni portussuseqalerluni.

4. Naqittagaq pingasunngorluni portussusilik massakkut siumut utimullu siaartinneqassaaq, sanimut siaarsarnaveersaarlugu.

5. Naqittagaq siumut aggorneqassaaq 1-1,5 cm silitsigitsillugit.

IMUNISSINISSAQ ASSERSUUT SIULLEQ

1. Aggornikut tikeq kullorlu atorlugit tigoriarlugit siaarsalaariarlugu kaajallatinneqassapput.

2. Kaajallereerpat 1,5-2 kaajallannerit sinneruttoq kaajallattinikup qaavatigoorteriarlugu naqqanut sinneruttoq inissinneqassaaq.

3. Kaajallatereerpat bageplademut ilineqassapput, pullasserneqaqqillutillu 30 min.

IMUSINISSAQ ASSERSUUT TULLIA

1. Naqittakkat aggornikut iluatsigut qeqqatigut avinneqassapput illuttut 1,5 cm missaaniittut minillugit.

2. Naqittakkat imminut 3-5 ilummut imuneqassaat.

3. Imunikut massakkut kaajallatsinneqassaaq sneglip ilusaa malillgu isualu sinneruttoq imusap naqqanut inissinneqarluni.

4. Imuneqarnikoq bsageplademut ileriarlugu 30 min pullasserneqaqqissaaq.

QAAVANIITTUSSAT - TOPING

1. Mannik aalatsernikoq atorlugu naqittakkat qaavi taninneqassapput, imaluunniit imeq qalannikoq sukkullu akuleruteriarlugit tarngutigineqassapput.

2. Kardemomme naasortassai aserortikkat qaavanut nakkalatserneqassapput.

3. Perlesukker qaavanut nakkalatserneqassapput.

IFFIORNERTAA

1. Iffiorfikkut varmluft 190 C 12-15 min iffiorneqassapput.

Kardemommesnurre nillorseriarlugit sassaalliutigineqarsinnaalissapput.

Takan'